Margrét með tvö gull um helgina

Hin 18 ára hnefaleikakona Margrét Guðrún Svavarsdóttir úr HFR keppti sína fyrstu tvo bardaga í fullorðinsflokki kvenna um helgina. Skemmst er frá því að segja að Margrét fór á kostum og sigraði báðar viðureignir sínar. Fyrri viðureign hennar um helgina var á föstudeginum í Hafnafirði þar sem hún keppti við talsvert reyndari keppanda í Margréti Ásgerði frá Hnefaleikafélaginu ÆSIR. Næst keppti hún á laugardeginum við Sigríði Birnu frá Hnefaleikafélagi Akureyrar á afmælismóti ÆSIR í Reykjavík. Hún fékk mikið lof fyrir þessar frammistöður en andstæðingar hennar voru í reyndari kantinum.

Þetta er góð byrjun á árinu en í næsta mánuði keppir hún á Íslandsmóti í 75kg flokki kvenna. Þar keppir hún aftur gegn Sigríði Birnu og verður spennandi að sjá hverju stöllurnar slá saman þar. Margrét hefur æft með Hnefaleikafélagi í tæp 5 ár og er núna í fyrsta skipti með aldur til að keppa í svokölluðum ELITE flokki.

margret_svavarsdottir_box-1-of-5

Suðurnesjamaðurinn Halldór Berg Halldórsson (15) keppti einnig um helgina með góðum árangri. Halldór hefur æft um þriggja ára bil og fór á móti Sólon frá hnefaleikafélaginu ÆSIR. Sá er talsvert reyndari en Halldór en þótti okkar maður eiga fyrstu lotuna í bardaganum. Sólon sótti á og tókst að sigra næstu tvær lotur. Það verður gífurlega spennandi að sjá unga Suðurnesjamanninn í framtíðinni.

Suðurnesjamaðurinn og frumkvöðull hnefaleika á landsvísu, Guðjón Vilhelm, tók sér stöðu sem hringdómari báða daga. Hann hefur dæmt fjölda atvinnubardaga víðsvegar í Evrópu.

Skráningar fyrir 2017

Skráningar eru byrjaðar fyrir Boxnámskeið í Janúar hjá HFR og við erum í sérstöku jólastuði. Fáðu þrjá mánuði í BOX101, Jálkabox eða kvennabox á tilboði fyrir aðeins 18.900 eða önnina (5 mánuðir) á 31.500.  Unglingahópur og krakkabox á aðeins 14.900 og önnin á 24.500. Takmarkað pláss í boði og tilboð gildir aðeins til 2. Janúar, skráið ykkur í dag Hérna ef þið viljið deila niður greiðslum, annars á skráningasvæði boxing.is

ATH tilboð gilda aðeins meðan það eru laus pláss í námskeið

auglysing-box101-fitness-jalkar1

Bardagaþjálfarar í Reykjanesbæ sparra við atvinnumenn í UFC

Á dögunum héldu tveir bardagaíþrótta þjálfarar Keflavíkur til Bandaríkjanna á námskeið í barna- og unglingaþjálfun. Hnefaleikaþjálfarinn okkar Björn Björnsson og Tae Kwon Do/BJJ þjálfarinn okkar Helgi Rafn Guðmundsson leituðu á ný mið. Á leið sinni komu þeir við í Tristar MMA gym í Montréal, sem er frægasta MMA gym í heimi. Þaðan hafa meistarar eins og Georges St. Pierre og Jon Jones æft ásamt mörgum öðrum framúrskarandi bardagamönnum. Okkar menn fengu að taka þátt í sparræfingu og fóru meðal annars á móti tvem UFC bardagamönnum; Alex Garcia, sem er að búa sig undir keppni 30. Desember og Joe Duffy, einn af fáum mönnum sem hefur sigrað Conor McGregur.Helgi og Björn stefna á að setja á fót MMA námskeið strax í Janúar aðgengilegt öllum á suðurnesjum, en frekari upplýsingar verða hér á boxing.is

Í heildina var reynslan mjög góð fyrir þjálfarana. Atvinnumennirnir tóku vel á móti okkar mönnum sem æfingafélögum en hér má sjá stutt myndbrot af sparrinu þeirra (Helgi Rafn er vinstra megin gegn Duffy, Björn hægra megin gegn Garcia)

Diploma mót í Keflavík og heimsókn frá atvinnuboxara Íslands

Nú á dögunum voru haldin tvenn diploma unglingamót í hnefaleikum í Keflavík. Mótin voru haldin í aðstöðu Hnefaleikafélags Reykjaness við Framnesveg. Þar komu saman 30 boxarar frá 4 boxklúbbum og voru þar 12 keppendur frá Hnefaleikafélagi Reykjaness. Nýjar Diploma viðurkenningar voru meðal annars veittar Halldóri Berg Halldórssyni og Gabríel Snæ Andrasyni. Einnig ber að nefna Benóný Guðjónsson, Stancho Elenkov, Tómas Ingólfsson og Hörð Þorsteinsson sem eru að safna upp í brons- og silfur merki í Diploma hnefaleikum.

Í lok fyrra mótsins kom í heimsókn atvinnuboxarinn og tröllið Kolbeinn Kristinsson. Kolbeinn var nýlega krýndur sá fjórði besti í þungaviað á norðurlöndunum. Hann er ósigraður með 8-0 feril að baki. Kolbeinn var staddur í boxhöll keflabíkur til að taka upp heimildarmynd sem kemur út á næsta ári. Kolbeinn á mikið að rekja til Keflavíkur en hann hefur mikið æft hér í gegnum árin ásamt núverandi þjálfara HFR. Einnig er Guðjón Vilhelm, brautryðjandi hnefaleika á Reykjanesi, helsti styrktaraðili Kolbeins.

Strákarnir Halldór Berg og hinn búlgarski Stancho Elenkov fóru á kostum í ólympískum hnefaleikum um daginn. Strákarnir eru 15 ára gamlir og hafa báðir verið að gera það gott í skólahreysti fyrir Holtaskóla og Myllubakkaskóla. Topp íþróttamenn hér á ferð en þeir hafa æft saman hörðum höndum síðustu vikur fyrir þetta mót. Báðir stefna þeir síðan á Íslandsmót í 60kg unglingaflokki á næsta ári.

 

 14962632_10153831967526793_4619951148817879476_n
mynd 1: Gamlir æfingafélagar: Kolbeinn Kristinsson atvinnuboxari, Björn Björnsson þjálfari HFR

Jálkabox – nýtt námskeið

Nýtt námskeið í Jálkaboxinu hefst í næstu viku og verður á þriðjudögum og fimmtudögum í sex vikur á frábæru verði. Námskeið er ætlað 30 ára og eldri og skráningar hér á síðunni. farið er yfir grunnhreyfingar og æft með félaga og á boxpúða með leiðbeiningum þjálfara. Gætt er að öryggi allra og séð til þess að engin harka sé færð í leikinn að óþörfu. Helsta markmið er líkamsrækt og tækniæfingar. Engin krafa um að „stíga inn í hringinn“ nema iðkendur vilji slíkt við lok námskeiðis af eigin frumkvæði

 

Í öðrum fréttum eru 11 krakkar frá Reykjanesbæ að keppa í svokölluðu „léttsnertiboxi“ eða DIPLOMA keppni. Þar eru krakkar frá 9 ára aldri upp í 15 ára að taka þátt héðan frá HFR. Mótið verður í Hnefaleikafélagi ÆSIR við Stórhöfða.

Boxkvöld Ljósanótt

Boxkvöld á ljósanótt var á föstudeginum 2. september síðastliðinn og má með vissu segja að mótið hafi verið vel af staðið. Um er að ræða 15 ára afmæli Hnefaleikafélags Reykjaness (HFR) en félagið var stofnað með því markmiði að hnefaleikar yrði lögleiddir. Um kvöldið voru 6 æsispennandi bardagar og þar af voru þrír keppendur frá Reykjanesbæ.
Vikar Sigurjónsson steig inn öðrum bardaga kvöldsins en Vikar á glæstan feril af baki í Hnefaleikum og var meðal annars Íslandsmeistari 2008. Vikar sýndi gamla takta á móti Almari Ögmundssyni frá Hnefaleikafélagi Akureyrar en hann sýndi í hnífjafnri lotu milli þeirra að hann hafði engu gleymt. Því miður þá hafði Vikar undir lok fyrstu lotu fundið stingandi verk í hægri höndinni, sem gerði höndina alls óvirka. Þrátt fyrir að vera einhentur alla aðra lotuna þá stjórnaði Vikar mikið af bardaganum með vinstri höndinni, það var þó ekki nóg því Almar fór að sækja meira þegar ljóst var að aðeins fremri höndin var virk hjá meistaranum. Rauða hornið stöðvaði því bardagann eftir að önnur lota kláraðist. Vikar var mjög svekktur yfir að ná ekki að klára bardagann en er staðráðinn í að snúa aftur í hringinn.
Helgi Rafn Guðmundsson steig inn í hringinn. Í fjórða baraga kvöldsins fyrir HFR. Þrátt fyrir að hafa átt marga Tae Kwon Do og BJJ bardaga að baki hefur Helgi aldrei keppt í boxi áður. Hann sýndi þó að hann á heima þar í hringnum en eftir þrjár vígalegar lotur stóð hann uppi sigursæll. Bardaginn fór fram af mikilli hörku og lýsti Helgi því yfir eftir bardagann að þetta tók heldur betur alla orkuna. Aðdáendur og nemendur hans gátu vel fagnað þessari frammistöðu. Fjölskylda Helga sat á fremsta bekk og hvatti.
Þorsteinn Snær Róbertsson keppti lokabardagann fyrir hönd HFR. Fyrsta lotan var mjög spennuþrunginn og má segja að margt af því sem kappinn gerði virkaði vel gegn andstæðingi sínum, Sævari Rúnarssyni frá Hnefaleikafélagi Akureyrar. Þorsteinn tók fyrstu tvær loturnar en Sævar var ekki hægt að vanmeta, enda reynslumikill boxari þar á ferð. Þriðja lotan fór fram og aftur en sigur fór til heimamanna eftir bardagann. Þorsteinn lýsti yfir mikilli virðingu fyrir andstæðingi sínum í viðtali sínu eftir bardagann.
Guðjón Vilhelm fór á kostum sem kynnir og öllum bardögum fylgdi forsaga keppenda frá félaginu og viðtal við keppendur eftir bardagana. Guðjón er brautryðjandi fyrir að hnefaleikar eru leyfðir á landinu í dag og hann sá til að það var orka í salnum allt kvöldið.
Styrktaraðilar kvöldsins voru Humarsalan, Hleðsla íþróttadrykkur, Cargo Flutningar og Bílastofan.

Boxkvöld Ljósanótt og Haust skráningar

fyrir 15 árum voru hnefaleikar leyfðir á Íslandi í kjölfarið var stofnað Hnefaleikafélag Reykjaness föstudaginn 2. september verður haldið upp á með boxmóti og öllum helstu boxklúbbum á landinu.

Mánudaginn 29. Ágúst byrja haustnámskeið fyrir alla hópa. Námskeið fyrir krakka, unglinga og fullorðna. Fitnessbox kvenna hefst einnig á þessum tíma, en það hefur fengið mjög góðar umtektir núna í sumar.

Kynningarvika fyrir börn og unglinga eru vikuna 22-26 Ágúst samkvæmt gömlu stundatöflunni. Ný stundatafla tekur gildi 29. Ágúst.

 

Boxaðu Þig í Betra Form