Hádegistímar í fitnessboxi kvenna aftur á dagskrá

Nú er tíminn fyrir ykkur stelpurnar að taka upp hanskana. Fitnessbox kvenna verður á dagskránni aftur og ekkert gefið eftir. Skráning í hádegistíma gildir einnig í boxfitness á þriðjudögum og fimmtudögum klukkan 19:00. Boxing101, sem er fyrir bæði kynin, gildir einnig í boxfitness.

Lagt er áhersla á styrk, þol og úthald en auðvitað verður líka slegið í púðann með krafti.

Æfingar hefjast 11. Júní fyrir alla hópa. Sjáumst í gyminu

Þjálfari er Hildur Ósk Indriðadóttir en hún lenti nýlega í öðru sæti á Íslandsmóti 2019.

Skráning í sumarnámskeið

Skráning fyrir sumar

stundatafla Sumar 2019, Námskeið hefjast 11. Júní

Sumar 2019

Námskeið 1 er 11. Júní – 27. Júlí.

Námskeið 2 er 1-18. Júlí

Hægt er að velja 6 vikur (11. Júní – 18. Júlí)

 

  • Unglingar 1 -> 5-7 bekkur
    • 3 vikur – 6.900
    • 6 vikur – 11.900 (14% afsláttur)
  • Unglingar 2 -> 8-10 bekkur
    • 3 vikur – 6.900
    • 6 vikur – 11.900 (14% afsláttur)
  • Boxing og Boxfitness er innifalið í sama gjaldi
    • 3 vikur – 7.900
    • 6 vikur – 13.900 (12% afsláttur)
  • Fitnessbox kvenna (hádegistímar)
    • 6 vikur

Afsláttur gildir ef skráning er fyrir lok Maí. Greiðsla staðfestir skráningu.

Gull og silfur á Íslandsmóti

Um helgina var haldið íslandsmót í hnefaleikum. Mótið var haldið í húsakynnum Hnefaleikafélags Reykjaness (HFR) á smiðjuvöllum 5 í Keflavík. Fyrir hönd HFR kepptu þau Davíð Sienda (16) og Hildur Ósk Indriðadóttir (35). Davíð keppti í – 81kg og sigraði allar þrjár lotur með yfirburðum. Hann Davíð var að keppa í flokk fyrir ofan sig og keppti við Karl Ívar frá Hnefaleikafélagi Akraness. Karl sigraði Davíð fyrr á árinu en núna átti Davíð öruggan sigur.

Hildur keppti við tvöfaldan silfurverðlaunahafa á norðurlandamóti í -75kg flokki í úrslitum. Okkar stelpa, sem er með talsvert færri bardaga að baki, kom andstæðing sínum heldur betur á óvart þegar hún komst yfir á stigum í annarri lotu. Hún hlaut þó silfrið að lokum eftir öfluga baráttu og sýndi að hún er með þeim hörðustu í bransanum.

Myndir: Gunnar Jónatansson

Íslandsmót í Reykjanesbæ um helgina

Um helgina verður haldið Íslandsmeistaramót í hnefaleikum í Reykjanesbæ. Mótið verður haldið í aðstöðu HFR í nýju Bardagahöllinni við Smiðjuvelli 5.
Fyrir hönd HFR keppa þau Hildur Ósk Indriðadóttir (35) og Davíð Sienda (16) í úrslitum í sínum flokkum.
Hildur hefur keppt tvo bardaga á þessu keppnistímabili og sigrað þá báða. Hún keppir í 75kg flokki kvenna.
Davíð hefur æft og keppt allt frá ungum aldri og keppir í -81kg flokki unglinga.

Helgarnámskeið með Daða

UPPFÆRÐ DAGSETNING

Dagana 23-24 mars (ekki 16-17 eins og áður stóð til) mun reynslumesti hnefaleikaþjálfari landsins, Daði Ástþórsson, halda námskeið fyrir keppendur HFR. Daði hefur þjálfar bardagaíþróttir í yfir 20 ár og þá aðallega hnefaleika, þar á meðal fyrir hönd HFR. Um er að ræða námskeið þar sem farið er í mikilvæg atriði til að verða betri í hnefaleikum eða MMA. Mælt er með þessu sérstaklega fyrir fólk sem ætlar sér að keppa í ólympískum eða diploma hnefaleikum. Opið er fyrir skráningar frá 12 ára aldri.

Verð er 3.000 krónur fyrir báða dagana og 2.000 krónur fyrir einn dag. Greiðsla staðfestir þátttöku. Námskeið er klukkan 11:00-13:00 báða daga.

 

 

 

Keppnisferð HFR til Akureyrar

Um helgina fóru 7 keppendur frá HFR í keppnisferð til Akureyrar til að keppa í diploma móti ásamt Hnefaleikafélagi Akureyrar og Hnefaleikafélagi Hafnarfjarðar. Keppendur komu allir reynslunni ríkari heim og skreyttir verðlaunum. Við viljum þakka öllum sem komu að mótinu fyrir þessa einstöku upplifun. HFR mun stefna aftur á norðrið í bráð.

Nýtt æfingarhúsnæði HFR

HFR hefur fært sig yfir í nýtt húsnæði á Smiðjuvöllum 5 og æfingar verða þar héðan af samkvæmt stundatöflu. Um er að ræða sama húsnæði og gamla húsasmiðjan eða gamla danskompaní/metabolic. Æfingarými er ekki fullunnið þannig við viljum biðja ykkur öll um að sýna þolinmæði og skilning fyrir því. Við viljum að sjálfsögðu að æfingaraðstaða sé sem allra best fyrir okkar iðkendur á öllum tímum og slíkt krefst stundum lengri tíma en upphaflega var áætlaður. Engu að síður erum við mjög ánægð með allt sem þessum flutningum viðkemur. Við viljum þakka öllum sem hafa tekið sig til og aðstoðað við flutningarnar hjá okkur. Hér er vel að verki unnið en mikil vinna ennþá eftir. Við hlökkum til að taka á móti iðkendum í nýju húsnæði.

Að öðru snúið þá er HFR að bjóða upp á lausar stöður í foreldrafélagi þess. Allir þeir sem hafa áhuga á að hjálpa við að efla krakka- og unglingastarfsemi okkar geta sent okkur póst á hfrboxing@boxing.is

Við viljum líka minna á facebook síðu https://www.facebook.com/hfrboxing/ og okkur þætti afskaplega vænt um ef þú gætir skilið eftir umsögn eða skilið eftir stjörnur um starfsemi okkar í Reykjanesbæ.
Einnig viljum við benda á fb grúbbu okkar https://www.facebook.com/groups/hfrboxing/ sem er öllum aðgengileg.

39332458_1829728603779132_1293653864771223552_n (1)

Sögulegt hnefaleikamót

Nú um helgina var haldið diploma hnefaleikamót í aðstöðu Hnefaleikafélags Hafnafjarðar. Þetta er í fyrsta skiptið sem að öll félög landsins taka þátt og alls tóku þátt 43 keppendur. HFR hafði þar af 9 keppendur og átti áttu þau öll stórgóða frammistöðu. Allir þ

Lovísa Bríet fékk 42/45 stig og er að safna upp í gullmerki HNÍ

Anton Halldórsson fékk 35/40 og er að safna upp í silfurmerki

Kara Valgarðsdóttir fékk 39,5/45 og er að safna upp í gullmerki

Alda Líf Ívarsdóttir fékk 33,5/40 og er að safna upp í silfurmerki

Sindri Gylfason fékk 32/32 stig og er að safna upp í bronsmerki

Alexander Vilmar fékk 29/32 stig og er að safna upp í bronsmerki

Aron Rúnar Hill fékk 27/27 stig og fékk sitt fyrsta diploma

Einar Berg fékk 27/27 stig og fékk sitt fyrsta diploma

 

 

Boxaðu Þig í Betra Form