Þrjár frá HFR í æfingabúðir í Svíþjóð

Hnefaleikafélag Reykjaness er að senda frá sér þrjár stelpur á æfingabúðir í Svíþjóð. Æfingabúðirnar ganga undir nafninu Golden Girl Training Camp og eru eingöngu fyrir hnefaleikakonur.

Þetta er í áttunda skipti sem búðirnar eru haldnar en þetta er í fyrsta skipti sem að íslenskar stelpur taka þátt. Þær eru þó ekki einar um það en alls eru níu íslenskar stelpur að fara.

Stelpurnar sem fara héðan eru Sandra Valsdóttir (33), Margrét Guðrún Svavarsdóttir (21), fyrrum Íslandsmeistari og hnefaleikakona ársins, og Hildur Ósk Indriðadóttir (35).